Andijon shahrida giyohvandlik vositasini sotayotgan ikki nafar erkak qo‘lga olindi. Bu haqda Andijon viloyati Ichki ishlar boshqarmasi xabar qildi.
Qayd etilishicha, IIB xodimlari Andijon shahar hududida tezkor tadbirlar o‘tkazgan. Natijada shu hududda yashovchi erkaklar B.K. (1979-yilda tug‘ilgan) hamda T.A. (1972-yilda tug‘ilgan) birgalikda xolis xaridorga jami 1,41 gramm gashish giyohvandlik moddasini 200 ming so‘mga sotayotganida ushlangan.
Shuningdek, fuqaro T.A.ning yonida 7,3 gramm gashish giyohvandlik moddasi hamda giyohvand moddalarning vaznini o‘lchashda foydalanilgan elektron tarozi borligi aniqlangan.
Holat yuzasidan tergovga qadar surishtiruv ishlari olib borilmoqda.
Izoh (0)