Сурхондарё вилоятининг Жарқўрғон туманидаги шифохонада 20 нафар бемор куйдирги касаллигидан даволанаётгани рад этилди.
«Дарё»нинг исми сир қолишини сўраган муштарийларидан бири Сурхондарё вилоятининг Жарқўрғон туманидаги шифохонага 20 нафар бемор куйдирги касаллигида гумонланиб, ётиқизилганини маълум қилди.
«Дарё» мазкур ахборотга аниқлик киритиш мақсадида вилоят Соғлиқни сақлаш бошқармаси бошлиғи Комил Абдувоҳидов билан боғланди.
2022 йил 3 сентябрь куни Жарқўрғон туман тиббиёт бирлашмасига қарашли юқумли касалликлар шифохонасига туманнинг «Меҳнатобод» маҳалласида яшовчи тўрт нафар фуқаро куйдирги касаллигининг тери формасига гумон қилиниб, шифохонага ётқизилган.Сурхондарё вилояти бош шифокори беморлар 20 нафар эканини рад этиб, анализ натижалари бўйича қўшимча маълумот берилишини билдирди.Ётиб даволанаётган беморлардан куйдирги касаллигини аниқлаш мақсадида суртма анализлар олиниб, вилоят СЕО ва ЖСБнинг УХЬЮК лабораториясига текширув ва ташхислаш учун юборилган. Куйдирги касаллигига анализлар 10 кунлик муддат билан текширилиши сабабли анализлар бугунги кунда текширув жараёнида эканини маълум қиламиз, — дейди Комил Абдувоҳидов.
Изоҳ (0)