Farg‘ona viloyati Rishton tumanida xonadondan katta miqdorda pul o‘g‘irlagan ayol qo‘lga tushdi. Bu haqda viloyat Ichki ishlar boshqarmasi xabar qildi.
Qayd etilishicha, tumanning “Saroy” mahallasi hududida yashovchi Q.Q. ismli ayol IIBga murojaat qilgan. Unda 26-avgust kuni noma’lum shaxs yashash xonadoniga kirish eshigi orqali g‘ayriqonuniy ravishda kirib, xonadoni yotoqxonasidagi sandiq ichida bo‘lgan jami 3,4 ming dollar miqdoridagi pullarni yashirin ravishda o‘g‘irlaganini bildirgan.
Mazkur holat yuzasidan Rishton tumani IIB huzuridagi tergov bo‘linmasi tomonidan Jinoyat kodeksining 169-moddasi (o‘g‘rilik) 3-qismi “v,g” bandlari bilan jinoyat ishi qo‘zg‘atilgan.
Olib borilgan tezkor surishtiruv ishlari davomida ushbu jinoyatni Q.N. ismli ayol sodir etgani aniqlangan.
Hozirda tergov harakatlari olib borilmoqda.
Izoh (0)