Fly Dubai aviakompaniyasiga Dubay—Namangan—Dubay yo‘nalishida muntazam aviaqatnovlarni amalga oshirish uchun ruxsatnoma berildi. Bu haqda Namangan shahar hokimligi xabar qildi.
Qayd etilishicha, O‘zbekiston Respublikasi va Birlashgan Arab Amirliklari hukumatlari o‘rtasida havo qatnovi to‘g‘risidagi Bitim asosida 2022-yil 30-avgustda “O‘zaviatsiya” agentligi tomonidan Fly Dubai aviakompaniyasining O‘zbekistonga muntazam aviaqatnovlarni amalga oshirish huquqini beruvchi ekspluatatsion ruxsatnomasiga yangi Dubay—Namangan—Dubay yo‘nalishi kiritilgan.
Bu aviakompaniya tomonidan muntazam parvozlarni amalga oshirish uchun ruxsat olgan O‘zbekiston Respublikasidagi uchinchi aeroport hisoblanadi. Hozirgi kunda aviakompaniya Toshkent va Samarqand aeroportlariga aviaqatnovlarni amalga oshirmoqda.
Fly Dubai aviakompaniyasi O‘zbekistonga aviaqatnovlarni Boeing-737 samolyotlarida amalga oshiradi.
Izoh (0)