Yevropada transfer oynasi yopildi. Dedlayn kunida qator kelishuvlar imzolandi. Quyida ularning asosiylari bilan tanishing.
- Pyer Emerik Obameyang 12 million yevro evaziga “Barselona”dan “Chelsi”ga ko‘chib o‘tdi. Gabonlik futbolchi London klubi bilan 2024-yil yoziga qadar shartnoma tuzdi.
- Markos Alonso “Chelsi” bilan shartnomasini bekor qilib, “Barselona”ga erkin agent sifatida yo‘l oldi. U Kataloniya klubi bilan 3 yillik shartnoma tuzadi.
- Leandro Paredes ijara asosida “Yuventus”ga o‘tdi. Argentinalik 2023-yil yoziga qadar Turin klubi sharafini himoya qiladi.
- “PSJ” 25 yoshli Karlos Soler uchun “Valensiya”ga 18 million yevro to‘ladi. Shuningdek, kelishuvda 3 million yevro bonus ham ko‘zda tutilgan. Ispaniyalik bilan 5 yillik shartnoma tuzilgan.
- Mishi Batshuayi faoliyatini “Nottingem Forest” safida davom ettiradi. Mishi jamoaning joriy mavsumdagi 20-yangi futbolchisi bo‘ldi.
- “Chelsi” 25 yoshli Denis Zakariyoni “Yuventus”dan 30 million funtga sotib olish huquqi bilan mavsum so‘ngiga qadar ijaraga oldi.
- “Inter” 34 yoshli Franchesko Acherbini “Latsio”da 2023-yil yoziga qadar ijaraga oldi.
- “Roma” yarim himoyachisi Jastin Klyuvert ijara asosida “Valensiya”ga o‘tdi. Bitim 2023-yil yoziga qadar amal qiladi va ispan klubida futbolchini sotib olish huquqi bo‘ladi.
- Andre Gomesh ijara asosida “Everton”dan “Lill”ga o‘tdi. 29 yoshli futbolchi mavsumni “ko‘ppaklar” safida tugatib qo‘yadi.
- Yulian Draksler “PSJ”ni ijara asosida “Benfika”ga almashtirdi. Nemis futbolchisi portugal klubida 2022/23-yilgi mavsum so‘ngiga qadar harakat qiladi.
- “Manchester Yunayted” 33 yoshli posbon Martin Dubravkani “Nyukasl”dan 6 million funtga sotib olish huquqi bilan mavsum so‘ngiga qadar ijaraga oldi.
- Villian erkin agent sifatida “Fulhem” safiga borib qo‘shildi. 34 yoshli braziliyalik London klubi bilan 1 yillik bitimga imzo chekdi.
- Idrissa Guye 7,1 million funt evaziga “PSJ”dan “Everton”ga o‘tdi va Mersisayd klubi bilan 2024-yil yoziga qadar bitimga imzo chekdi.
- Leyven Kurzava ijara asosida “PSJ”dan “Fulhem“ga yo‘l oldi. 29 yoshli himoyachi London klubida 2023-yil yoziga qadar to‘p tepadi.
- “Leypsig” 26 yoshli himoyachi Abdu Dialloni 25 million yevroga sotib olish huquqi bilan “PSJ”dan mavsum so‘ngiga qadar ijaraga oldi.
- Ektor Belyerin “Arsenal” bilan shartnomasini bekor qilib, “Barselona”ga o‘tdi va Kataloniya klubi bilan 1 yillik bitim tuzdi.
- Serjinyo Dest ijara asosida “Milan”ga yo‘l oldi. “Barselona” milanliklarga futbolchini 20 million yevroga mavsum so‘ngida sotib olish huquqini ham taqdim etgan.
- Artur Melo ijara asosida “Yuventus”dan “Liverpul”ga o‘tdi. Futbolchi 2023-yil yoziga qadar Mersisayd klubi safida harakat qiladi.
- Umar Sodiq 25 million yevro evaziga “Almeriya”dan “Real Sosyedad”ga o‘tdi. Nigeriyalik futbolchi yangi klubi bilan 6 yillik bitim tuzdi.
- Ilaysh Moriba “Leypsig”dan ijara asosida “Valensiya”ga o‘tdi. “Barsa” tarbiyalanuvchisi 2023-yil yozigacha “ko‘rshapalaklar” safida harakat qiladi.
- “Chelsi” 21 yoshli himoyachisi Itan Ampaduni “Spetsiya”ga 2023-yil yoziga qadar ijaraga berdi.
Izoh (0)