Европада трансфер ойнаси ёпилди. Сўнгги кунда амалга оширилган асосий трансферлар

Европада трансфер ойнаси ёпилди. Дедлайн кунида қатор келишувлар имзоланди. Қуйида уларнинг асосийлари билан танишинг.

• Пьер Эмерик Обамеянг 12 миллион евро эвазига «Барселона»дан «Челси»га кўчиб ўтди. Габонлик футболчи Лондон клуби билан 2024 йил ёзига қадар шартнома тузди.
• Маркос Алонсо «Челси» билан шартномасини бекор қилиб, «Барселона»га эркин агент сифатида йўл олди. У Каталония клуби билан 3 йиллик шартнома тузади.
• Леандро Паредес ижара асосида «Ювентус»га ўтди. Аргентиналик 2023 йил ёзига қадар Турин клуби шарафини ҳимоя қилади.
• «ПСЖ» 25 ёшли Карлос Солер учун «Валенсия»га 18 миллион евро тўлади. Шунингдек, келишувда 3 миллион евро бонус ҳам кўзда тутилган. Испаниялик билан 5 йиллик шартнома тузилган.
• Миши Бацҳуайи фаолиятини «Ноттингем Форест» сафида давом эттиради. Миши жамоанинг жорий мавсумдаги 20-янги футболчиси бўлди.
• «Челси» 25 ёшли Денис Закариёни «Ювентус»дан 30 миллион фунтга сотиб олиш ҳуқуқи билан мавсум сўнгига қадар ижарага олди.
• «Интер» 34 ёшли Франческо Ачербини «Лацио»да 2023 йил ёзига қадар ижарага олди.

• «Рома» ярим ҳимоячиси Жастин Клюверт ижара асосида «Валенсия»га ўтди. Битим 2023 йил ёзига қадар амал қилади ва испан клубида футболчини сотиб олиш ҳуқуқи бўлади.
• Андре Гомеш ижара асосида «Эвертон»дан «Лилл»га ўтди. 29 ёшли футболчи мавсумни «кўппаклар» сафида тугатиб қўяди.
• Юлиан Дракслер «ПСЖ»ни ижара асосида «Бенфика»га алмаштирди. Немис футболчиси португал клубида 2022/23 йилги мавсум сўнгига қадар ҳаракат қилади.

• «Манчестер Юнайтед» 33 ёшли посбон Мартин Дубравкани «Ньюкасл»дан 6 миллион фунтга сотиб олиш ҳуқуқи билан мавсум сўнгига қадар ижарага олди.
• Виллиан эркин агент сифатида «Фулҳэм» сафига бориб қўшилди. 34 ёшли бразилиялик Лондон клуби билан 1 йиллик битимга имзо чекди.
• Идрисса Гуйе 7,1 миллион фунт эвазига «ПСЖ»дан «Эвертон»га ўтди ва Мерсисайд клуби билан 2024 йил ёзига қадар битимга имзо чекди.
• Лейвен Курзава ижара асосида «ПСЖ»дан «Фулҳэм«га йўл олди. 29 ёшли ҳимоячи Лондон клубида 2023 йил ёзига қадар тўп тепади.
• «Лейпциг» 26 ёшли ҳимоячи Абду Диаллони 25 миллион еврога сотиб олиш ҳуқуқи билан «ПСЖ»дан мавсум сўнгига қадар ижарага олди.

• Эктор Бельерин «Арсенал» билан шартномасини бекор қилиб, «Барселона»га ўтди ва Каталония клуби билан 1 йиллик битим тузди.
• Сержиньо Дест ижара асосида «Милан»га йўл олди. «Барселона» миланликларга футболчини 20 миллион еврога мавсум сўнгида сотиб олиш ҳуқуқини ҳам тақдим этган.
• Артур Мело ижара асосида «Ювентус»дан «Ливерпуль»га ўтди. Футболчи 2023 йил ёзига қадар Мерсисайд клуби сафида ҳаракат қилади.
• Умар Содиқ 25 миллион евро эвазига «Алмерия»дан «Реал Сосьедад»га ўтди. Нигериялик футболчи янги клуби билан 6 йиллик битим тузди.
• Илайш Мориба «Лейпциг»дан ижара асосида «Валенсия»га ўтди. «Барса» тарбияланувчиси 2023 йил ёзигача «кўршапалаклар» сафида ҳаракат қилади.
• «Челси» 21 ёшли ҳимоячиси Итан Ампадуни «Специя»га 2023 йил ёзига қадар ижарага берди.