Ватикан Россияни «варварлик» ва «жирканч» урушни бошлаб юборишда айблади. Бунгача католик черкови бундай кескин баҳолардан қочган. Бу ҳақда «Agenstvonews» хабар бермоқда.
Рим папаси Францискнинг баёнотларида, Россия томонидан бошланган Украинадаги кенг кўламли уруш маънавий жиҳатдан адолатсизлик, қабул қилиб бўлмайдиган ваҳшийлик, бемаънилик, жирканч ва шаккоклик сифатида қораланган.
Бироқ, уруш бошланганидан бери Франциск бундай тўғридан-тўғри баҳолардан қочиб келмоқда эди.
Сешанба (30 август) куни Ватикан ҳам папанинг Дариа Дугина ҳақидаги сўзларини тушунтириб берди ва бу Киевнинг кескин танқидига учради. Ўтган ҳафта папа марҳум журналистни «уруш аҳмоқгарчилиги»нинг «бегуноҳ» қурбони деб атаган.
Муқаддас Тахтнинг бугунги баёнотига кўра, папанинг сўзлари сиёсий позиция эмас, балки инсон ҳаёти ва у билан боғлиқ қадриятларни ҳимоя қилиш учун кўтарилган овоздир.
Апрель ойида Рим папаси Путиннинг исмини айтмай уни қоралаган эди.
Изоҳ (0)