Малайзия Олий суди собиқ бош вазир Нажиб Тун Раззоқни 12 йиллик қамоқ жазосига ҳукм қилди. Бу ҳақда Reuters хабар берди.
2009 йилдан 2018 йилгача Малайзия бош вазири бўлиб ишлаган 69 ёшли Нажиб Раззоқ ўзи асос солган 1Malaysia Development Берҳад (1МДБ) давлат фондидаги кўп миллиард долларлик порахўрлик можаросига алоқадорликда айбланди.
2020 йилда суд уни еттита пункт бўйича айбдор деб топган, улардан асосийси Раззоқнинг шахсий ҳисоб рақамларига жами 9,4 миллион доллар ўтказилгани билан боғлиқ.
Собиқ бош вазир қонунбузарликни мунтазам рад этиб келади, бироқ унинг сўнгги апелляцияси Малайзия Олий судининг беш судьядан иборат ҳайъати томонидан рад этилди. Нажиб Раззоқ шунингдек, 46,94 миллион доллар жаримага тортилди.
Суд вакилининг айтишича, у пойтахт Куала-Лумпурдан 40 километр узоқликда жойлашган Кажанг қамоқхонасига олиб кетилган.
Изоҳ (0)