Andijon shahrida fuqaroni xorijga ishga kiritib qo‘yishni va’da qilgan soxta tadbirkorlar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Andijon viloyat boshqarmasi tomonidan tezkor tadbir o‘tkazilgan. Unda fuqarolar T.A. va J.M. oldindan o‘zaro til biriktirib, fuqaro A.ga go‘yoki o‘zlarini Toshkent shahridagi xususiy bandlik agentligining viloyat filiali xodimlari sifatida tanishtirgan. Uni Koreya davlatidagi kemasozlik zavodiga ishga kiritib qo‘yishni 11 ming dollarga kelishib, oldindan 700 dollarini olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Buxoroda fuqaroni 3 ming dollar evaziga o‘qishga kiritib qo‘yishni va’da qilgan shaxs ushlandi
- Toshkentda ikki kishiga xorijdagi OTMda o‘qigani to‘g‘risida soxta hujjatlar tayyorlab bermoqchi bo‘lgan shaxs ushlandi
- Guliston davlat universitetiga o‘qishga kiritib qo‘yish evaziga 10 ming dollar olgan shaxs ushlandi
Izoh (0)