“Daryo”da 12 yildan beri aliment ololmay, sarson bo‘lib kelayotgan ayol muammosi e’lon qilingandi. MIBning viloyat boshqarmasi axborot xizmatining xabar berishicha, qarzdor otaga qidiruv e’lon qilingan.
Maqolada buxorolik ayol — Dilorom Jo‘rayeva sobiq turmush o‘rtog‘i F.B. ikki nafar farzandi ta’minoti uchun aliment to‘lamay kelgani, bir necha yildan buyon murojaat qilsa-da, bunga MIBning Buxoro shahar bo‘limi ijrochilari panja ortidan qarab kelayotgani haqida yozilgandi.
Olib borilgan surishtiruvga ko‘ra, Dilorom Jo‘rayevaga farzandlari ta’minoti uchun 2014-yilning noyabridan 2022-yilning iyuniga qadar bo‘lgan davr uchun sobiq eridan 82 million 64 ming 508 so‘m mablag‘ undirilishi kerakligi ma’lum bo‘lgan. “Daryo” surishtiruvi jarayonida haqiqat ham 12 yildan buyon ushbu qarzdorlik undiruvi e’tibordan chetda qolib ketgani aniqlandi. Joriy yilning 15-avgust kuni holatga oid barcha ish hujjatlari chuqur o‘rganildi. Davlat ijrochisi tashabbusi bilan 2014-yildan buyon aliment to‘lamay kelgan qarzdorga nisbatan qidiruv e’lon qilindi. Qidiruv ishlari Buxoro shahar IIB qidiruv bo‘limi tomonidan amalga oshiriladi, — dedi viloyat MIB boshqarmasi axborot xizmati rahbari Ixtiyor Olimov.
Izoh (0)