АОКАда ўтказилган брифингда Миллатлараро муносабатлар ва хорижий мамлакатлар билан дўстлик алоқалари қўмитаси ахборот хизмати раҳбари Ғайратулла Шукуров тизимда амалга оширилган ишлар юзасидан маълумот берди.
Қайд этилишича, «2022—2026 йилларда янги Ўзбекистонни ривожлантириш стратегияси тўғрисида»ги Президент фармонида белгиланган вазифалар ижросини таъминлаш мақсадида идоралараро ишчи гуруҳ таклифлари асосида «Маданий фаолият ва маданият ташкилотлари тўғрисида»ги Ўзбекистон Республикаси Қонунига қўшимчалар киритиш ҳақида»ги қонуни лойиҳаси ишлаб чиқилган.
Шунингдек, Миллатлараро муносабатлар соҳасида Ўзбекистон давлат сиёсати концепциясининг изчил амалга оширилишини таъминлаш мақсадида қўмита бошчилигида 38 та вазирлик ва идора вакилларидан иборат Ишчи гуруҳ тузилган.
Хорижий давлатларда яшаётган 36 нафар фаол ўзбекистонлик «Халқлар дўстлиги» кўкрак нишони билан тақдирланган.
Изоҳ (0)