Тошкент шаҳри Юнусобод туманида 24 август куни учта транспорт воситаси иштирокида йўл-транспорт ҳодисаси содир бўлди. Бу ҳақда шаҳар Йўл ҳаракати хавфсизлиги бошқармаси хабар қилди.
Қайд этилишича, шу куни соат 17:00 ларда Юнусобод тумани ТҲАЙ кўчасида Т.Ш. (1978 йилда туғилган) бошқарувидаги SAZ LE60 йўловчи ташувчи автобус, У.Р. (1981 йилда туғилган) бошқарувидаги Damas ва М.Р. (1988 йилда туғилган) бошқарувидаги Matiz транспорт воситалари иштирокида тўқнашган.
ЙТҲ оқибатида Matiz ҳайдовчиси, Damas йўловчиси ва автобуснинг икки нафар йўловчиси тан жароҳати олиб, шифохона олиб борилган.
Ҳолат юзасидан Тошкент шаҳар Йўл ҳаракати хавфсизлиги бошқармаси томонидан терговга қадар текширув ўтказилмоқда.
Изоҳ (0)