Икки вазн тоифасида UFC собиқ чемпиони Конор Макгрегор (22-6) тикланиш жараёнининг сўнгги босқичини ўтамоқда. Бу ҳақда унинг менежери Тим Симпсон маълум қилди.
«Конор келаси йилги улкан камбэкка тайёргарлик кўрмоқда. Афтидан унинг оёғи ҳали тўлиқ тикланмаган, бироқ у телбалардек кунига икки маҳал машғулот ўтамоқда.
У ўз жамоаси билан шуғулланяпти: жисмоний тайёргарлик бўйича мутахассис, физиотерапевт, боксчи, мураббийлар билан. У борини кучини сарфлаяпти ва ҳозирда ажойиб формада.
Тўлиқ тайёр бўлиши учун сўнгги босқич қолмоқда», — дейди Тим Симпсон.
Ирландиялик яккакурашчи 2021 йилнинг июлида Дастин Порьега қарши учинчи жангида оёғини синдириб олганди ва шундан бери тикланиш жараёнини ўтамоқда.
Аввалроқ Макгрегор бокс қоидалари бўйича собиқ жаҳон чемпиони Флойд Мейвезерга қарши реванш жангида иштирок этиши мумкинлиги хабар қилинганди.
Изоҳ (0)