Санкт-Петербургда Ўзбекистон Интерполи томонидан фирибгарлик жинояти учун қидирувда бўлган фирибгар қўлга олинди. Бу ҳақда Интерполнинг Ўзбекистондаги Миллий марказий бюроси хабар берди.
Маълум қилинишича, 2021 йилнинг ёзида жиноятчи Telegram’да гуруҳ тузиб, унинг иштирокчиларини икки баравар даромад олишга қизиқтириб, фирибгарлик йўли билан уларни пластик картага пул ўтказишга кўндирган. Сўнг ваъдасини бажармасдан, ўзгаларнинг пулларини ўзлаштириб олиб, қочиб кетган.
2022 йилнинг июлида у Интерполнинг Ўзбекистондаги Миллий марказий бюроси томонидан Жиноят кодексининг 168-моддаси, 3-қисмида кўрсатилган жиноятни содир этганликда айбланиб, халқаро қидирувга берилган.
Ахборот таъминоти ва тезкор-қидирув тадбирлари натижасида фирибгарнинг яширинган жойи аниқланиб, тез орада Санкт-Петербург шаҳрида қўлга олинган.
Қайд этилишича, ҳозирда у муносиб жазога тортилиши учун судга топшириш мақсадида Ўзбекистонга экстрадиция қилиниши кутилмоқда.
Мавзуга доир:
- Ўзбекистон ИИВ Интерпол ММБ ходимлари халқаро қидирувда бўлган Туркия фуқаросини экстрадиция қилди
- Ўта йирик ҳажмдаги ўғрилик содир этгани учун қидирувда бўлган ўзбекистонлик эркак АҚШдан экстрадиция қилинди
- Интерполнинг Ўзбекистондаги бюроси қирғизистонлик йирик фирибгарни қўлга олди
- Польша зўрлаганликда айбланаётган эркакни Ўзбекистонга экстрадиция қилди
- Ўзбекистонда фирибгарлик содир этгани учун халқаро қидирувда бўлган шахс Польшадан экстрадиция қилинди
Изоҳ (0)