Pensiya jamg‘armasi matbuot xizmati 2022-yilning 1-avgust holatiga ko‘ra jamg‘armaga kelib tushgan murojaatlar miqdori va mazmuni bo‘yicha ma’lumot berdi.
Unga ko‘ra, 1-avgust holatida 108 387 ta murojaat qayd etilgan, bu 2021-yilning mos davriga nisbatan 35 635 taga yoki 24,7 foizga kam degani. Jumladan, murojaatlarning 3836 tasi (3,5 foizi) Pensiya jamg‘armasi ijro etuvchi apparatiga, 16 553 tasi (15,3 foizi) jamg‘armaning hududiy boshqarmalariga, 87 998 tasi (81,2 foizi) tuman (shahar) bo‘limlariga kelib tushgan.
Murojaatlar kelib tushish manbasi bo‘yicha 87 128 ta (80,4 foiz)si prezident virtual va Xalq qabulxonalari orqali, 10 831 ta (10 foiz)si Bosh prokuratura “Ishonch telefoni” orqali, 3597 ta (3,3 foiz)si Kasaba uyushmalari federatsiyasi “Ishonch telefoni” orqali, 1572 ta (1,5 foizi)si Pensiya jamg‘armasi “Ishonch telefoni” orqali, 5159 ta(4,7 foiz)si boshqa turli manbalar orqali kelib tushgan.
Yanvar–iyul oylari mobaynida murojaatlarni ko‘rib chiqish natijasiga ko‘ra, chora ko‘rilgan murojaatlar soni 145 tadan iborat, 107 174 ta murojaat bo‘yicha umumiy tushuntirishlar berilgan, 213 tasi tegishliligi bo‘yicha vakolatli tashkilotlarga yuborilgan, 244 tasi anonim deb topilgan yoki ko‘rmasdan qoldirilgan, 611 ta murojaat hozirda ko‘rib chiqilmoqda.
Kelib tushgan murojaatlar mazmuni jihatdan quyidagi yo‘nalishlar bo‘yicha tavsiflanadi:
- 18 yoshgacha bolalar nafaqasi masalasida — 82 592 ta (76,2 foiz);
- kam ta’minlangan oilalarga moddiy yordam tayinlash masalasida — 14 780 ta (13,6 foiz);
- pensiya miqdorini ko‘rib chiqish va uni oshirib berish masalasida — 4515 ta (4,2 foiz);
- pensiya tayinlash masalasida — 2070 ta (1,9 foiz);
- pensiya va nafaqalarni to‘lovi masalasida — 1063 ta (1 foiz);
- pensiya tayinlashda ish stajini hisobga olish masalasida — 994 ta (0,9 foiz);
- bir martalik moddiy yordam to‘lovi masalasida — 653 ta (0,6 foiz);
- pensiya to‘lovi to‘xtatilishi va ortiqcha to‘lovlar masalasida — 597 ta (0,6 foiz);
- fuqarolardan kelib tushgan takliflar va boshqa masalalarda — 1123 ta (1 foiz) ta.
Hududlar bo‘yicha tahlil qilinganda, eng ko‘p murojaatlar Samarqand viloyati 17 443 ta (16,1 foiz), Qashqadaryo viloyati 12 737 ta (11,8 foiz) va Surxondaryo viloyati 12 406 ta (11,4 foiz)ni tashkil qilgan.
Izoh (0)