Пенсия жамғармаси матбуот хизмати 2022 йилнинг 1 август ҳолатига кўра жамғармага келиб тушган мурожаатлар миқдори ва мазмуни бўйича маълумот берди.
Унга кўра, 1 август ҳолатида 108 387 та мурожаат қайд этилган, бу 2021 йилнинг мос даврига нисбатан 35 635 тага ёки 24,7 фоизга кам дегани. Жумладан, мурожаатларнинг 3836 таси (3,5 фоизи) Пенсия жамғармаси ижро этувчи аппаратига, 16 553 таси (15,3 фоизи) жамғарманинг ҳудудий бошқармаларига, 87 998 таси (81,2 фоизи) туман (шаҳар) бўлимларига келиб тушган.
Мурожаатлар келиб тушиш манбаси бўйича 87 128 та (80,4 фоиз)си президент виртуал ва Халқ қабулхоналари орқали, 10 831 та (10 фоиз)си Бош прокуратура «Ишонч телефони» орқали, 3597 та (3,3 фоиз)си Касаба уюшмалари федерацияси «Ишонч телефони» орқали, 1572 та (1,5 фоизи)си Пенсия жамғармаси «Ишонч телефони» орқали, 5159 та(4,7 фоиз)си бошқа турли манбалар орқали келиб тушган.
Январь–июль ойлари мобайнида мурожаатларни кўриб чиқиш натижасига кўра, чора кўрилган мурожаатлар сони 145 тадан иборат, 107 174 та мурожаат бўйича умумий тушунтиришлар берилган, 213 таси тегишлилиги бўйича ваколатли ташкилотларга юборилган, 244 таси аноним деб топилган ёки кўрмасдан қолдирилган, 611 та мурожаат ҳозирда кўриб чиқилмоқда.
Келиб тушган мурожаатлар мазмуни жиҳатдан қуйидаги йўналишлар бўйича тавсифланади:
- 18 ёшгача болалар нафақаси масаласида — 82 592 та (76,2 фоиз);
- кам таъминланган оилаларга моддий ёрдам тайинлаш масаласида — 14 780 та (13,6 фоиз);
- пенсия миқдорини кўриб чиқиш ва уни ошириб бериш масаласида — 4515 та (4,2 фоиз);
- пенсия тайинлаш масаласида — 2070 та (1,9 фоиз);
- пенсия ва нафақаларни тўлови масаласида — 1063 та (1 фоиз);
- пенсия тайинлашда иш стажини ҳисобга олиш масаласида — 994 та (0,9 фоиз);
- бир марталик моддий ёрдам тўлови масаласида — 653 та (0,6 фоиз);
- пенсия тўлови тўхтатилиши ва ортиқча тўловлар масаласида — 597 та (0,6 фоиз);
- фуқаролардан келиб тушган таклифлар ва бошқа масалаларда — 1123 та (1 фоиз) та.
Ҳудудлар бўйича таҳлил қилинганда, энг кўп мурожаатлар Самарқанд вилояти 17 443 та (16,1 фоиз), Қашқадарё вилояти 12 737 та (11,8 фоиз) ва Сурхондарё вилояти 12 406 та (11,4 фоиз)ни ташкил қилган.
Изоҳ (0)