Andijon shahrida o‘tkazilgan tezkor tadbir davomida 32 yoshli fuqaro 500 ming so‘mga gashish sotayotganda ushlandi. Bu haqda viloyat ichki ishlar boshqarmasi axborot xizmati xabar berdi.
Qayd etilishicha, Andijon viloyati IIB JQB giyohvandlik vositalari bilan qonunga xilof ravishda muomala qilishga qarshi kurashish bo‘limi xodimlari tomonidan Andijon shahri hududida tezkor tadbirlar o‘tkazilgan. Natijada Andijon shahrida yashovchi, 1990-yilda tug‘ilgan erkak fuqaro Yu.X. Andijon shahrida joylashgan savdo do‘koni oldida maxsus xaridorga 500 ming so‘m pullar evaziga jami 2,06 gramm gashish giyohvand moddasini sotayotganida qo‘lga olingan.
Bundan tashqari Yu.X.ning yonida 0,20 gramm gashish giyohvand moddasi borligi aniqlangan. Hozirda ushbu holat yuzasidan shahar IIO FMB tomonidan dastlabki surishtiruv ishlari olib borilmoqda.
Mavzuga doir:
Izoh (0)