Андижон шаҳрида ўтказилган тезкор тадбир давомида 32 ёшли фуқаро 500 минг сўмга гашиш сотаётганда ушланди. Бу ҳақда вилоят ички ишлар бошқармаси ахборот хизмати хабар берди.
Қайд этилишича, Андижон вилояти ИИБ ЖҚБ гиёҳвандлик воситалари билан қонунга хилоф равишда муомала қилишга қарши курашиш бўлими ходимлари томонидан Андижон шаҳри ҳудудида тезкор тадбирлар ўтказилган. Натижада Андижон шаҳрида яшовчи, 1990 йилда туғилган эркак фуқаро Ю.Х. Андижон шаҳрида жойлашган савдо дўкони олдида махсус харидорга 500 минг сўм пуллар эвазига жами 2,06 грамм гашиш гиёҳванд моддасини сотаётганида қўлга олинган.
Бундан ташқари Ю.Х.нинг ёнида 0,20 грамм гашиш гиёҳванд моддаси борлиги аниқланган. Ҳозирда ушбу ҳолат юзасидан шаҳар ИИО ФМБ томонидан дастлабки суриштирув ишлари олиб борилмоқда.
Мавзуга доир:
Изоҳ (0)