19 август куни Қорақалпоғистонда содир бўлган тартибсизликларни ўрганиш билан шуғулланувчи комиссия аъзолари Қорақалпоғистон Республикасидаги ҳуқуқ фаоллари Азимбай Атаниязов ва Арсланбай Утепов ҳамда «Фуқаролик ташаббусларини қўллаб-қувватлаш» ННТ QR бўлими бошлиғи Гулсара Жоллибекова билан учрашди. Бу ҳақда комиссиянинг Telegram’даги каналида хабар қилинди.
Таъкидланишича, ҳуқуқ фаоллари томонидан Конституциявий ислоҳотлар бошланганиданоқ бир нечта онлайн платформалар ишга туширилгани ва бу воситаларнинг барчаси аҳолининг таклиф ва мулоҳазаларини билдиришлари учун амалга оширилган зарур тадбирлар ҳисобланиши қайд этилган. Муҳокамаларда фуқароларни ташқи кучлар томонидан бошқариш ҳамда молиялаштириш масаласи ҳам кўтарилган.
Муҳокамаларда намойишга олдиндан тайёргарлик кўрилгани ёки тўсатдан норозилик кайфияти уйғониши сабаб юзага келгани бўйича мулоқот бўлиб ўтган. Аҳолига ўзининг хоҳиш-иродасини билдириши учун зарур чора-тадбирлар кўрилгани хусусида фикр билдирилган.
Муҳокамалар жараёнида фуқароларни ташқи кучлар томонидан бошқариш ҳамда молиялаштириш масаласи ҳам кўтарилган.
Шунингдек, намойишчиларнинг ички кечинмалари ва аҳолини тинчлантириш учун ҳуқуқ тартибот идоралари томонидан кўрилган чоралар бўйича жамоатчилик фикри ўрганилган. Бунда асосий эътибор инсон ҳуқуқларини бузиш ва шахс эркинликларига тўсқинлик қилувчи ҳолатларни аниқлашга қаратилган.
Учрашувда ҳуқуқ фаоллари ва ННТ вакилининг барча фикрлари диққат билан тингланган, керакли маълумотлар олинган. Ҳозирда қўлга киритилган маълумотлар тегишли тартибда ўрганилмоқда.
Изоҳ (0)