Бухоро вилояти Шофиркон туманида фуқароларга ишсизлик нафақаси тайинлатиб беришни ваъда қилган шахслар ушланди. Бу ҳақда Иқтисодий жиноятларга қарши курашиш департаменти маълум қилди.
Бош прокуратура ҳузуридаги департаментнинг Шофиркон тумани бўлими томонидан фуқароларнинг мурожаатларига асосан терговга қадар текширув ўтказилган. Унда туман Аҳоли бандлигига кўмаклашиш марказининг собиқ инспектори Д.Н. ва унинг таниши А.Т. 13 нафар фуқаронинг ишончига кириб, уларга марказ раҳбари орқали ишсизлик нафақаси тайинлаб бериш эвазига 700 доллар ва 6 миллион сўмини қўлга киритгани аниқланиб, ушбу пуллар ҳисобидан фуқаро Ф.М.га 500 минг сўмни қайтариб берган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)