Farg‘onadagi pichoqbozlik oqibatida bir fuqaro vafot etdi

Farg‘ona viloyati Bag‘dod tumanida ikki fuqaro o‘rtasida janjal sodir bo‘lgan.

Ma’lum bo‘lishicha joriy yilning 17-avgust kuni fuqaro X.A. o‘ziga tegishli Bag‘dod tumani Mirzaobod MFY hududida joylashgan go‘sht do‘koni oldida fuqarolar A.T. va Sh.T bilan o‘zaro gap talashib janjallashib ketgan.

Janjal davomida X.A. fuqarolar A.T. va Sh.T.larga go‘sht do‘konidan olgan pichoq bilan tan jarohati yetkazgan.

Tuman tibbiyot bo‘limining dastlabki ma’lumotiga ko‘ra, Sh.T.ga yetkazilgan og‘ir tan jarohati oqibatida tibbiyot bo‘limida vafot etgan.

Fuqaro A.T. yengil tan jarohati olib shifoxonada davolanmoqda.

Hozirda mazkur holat yuzasidan Bag‘dod tumani IIB huzuridagi tergov bo‘linmasi tomonidan Jinoyat kodeksining 104-moddasi 3-qismi “d” bandi bilan jinoyat ishi qo‘zg‘atilib, tergov harakatlari olib borilmoqda. Gumondor shaxs ushlangan.