Toshkentning ikki tumanida 17-avgust kuni elektr energiyasi ta’minotida uzilishlar kuzatiladi

Toshkentning Yakkasaroy hamda Yashnobod tumanlaridagi ayrim hududlarda elektr energiyasi soat 10:00 dan 18:00 qadar o‘chirildi.

“Toshkent shahar elektr tarmoqlari korxonasi” matbuot xizmatining ma’lum qilishicha,

• Yashnobod tumanining Ohangrabo, Mo‘ynoq, Mumtoz, Visol, Uysozlar, Oqdaryo hamda Oq uy ko‘chalarida,
• Yakkasaroy tumanining “Hadicha Sulaymonova” mahallasi Minglar hamda Mirobod 1-tor ko‘chalarida yashovchi aholi xonadonlarida hamda kichik tadbirkorlik subyektlarida elektr energiyasi vaqtincha o‘chirildi.

Xabarga ko‘ra, iste’molchilarga elektr energiyasini sifatli hamda ishonchli yetkazib berish, yuzaga kelishi mumkin bo‘lgan avariyali uzilishlarning oldini olish, kuz–qish mavsumiga tayyorgarlik ko‘rish maqsadida, hamda tuman elektr ta’minoti korxonalari tomonidan hududlarda past kuchlanishli elektr uzatish tarmoqlarini yangilash va modernizatsiya qilish, joriy hamda mukammal ta’mirlash ishlari bosqichma-bosqich amalga oshirmoqda.

Ta’mirlash ishlarini xavfsiz bajarish maqsadida yuqoridagi hududlar elektr energiyasidan uzilgan.