Navoiyda Xorazmdan Toshkentga hujjatlarsiz olib ketilayotgan 650 kg go‘sht aniqlandi

Navoiy viloyati IIB JXX JTSB Karantin tadbirlarini ta’minlash bo‘linmasi hamda Veterinariya va chorvachilikni rivojlantirish bo‘limi xodimlari hamkorligida Karmana tumanida joylashgan “Samarqand” YPX maskanida nazorat reyd tadbirlari olib borilgan.

Tadbir davomida, Xorazm—Toshkent yo‘nalishi bo‘ylab harakatlanib kelayotgan Xorazm viloyati, Yangiariq tumanida yashovchi, 1978-yilda tug‘ilgan fuqaro R.M boshqaruvidagi Cobalt avtotransport vositasida jami 16 ta qopda taxminan 650 kg og‘irligidagi veterinariya-sanitariya qoidalariga zid ravishda hech qanday hujjatlarsiz kelib chiqishi noma’lum bo‘lgan go‘sht mahsulotlari olib ketilayotgani aniqlangan.

Ushbu go‘sht mahsulotlari sifatini tekshirish, iste’molga yaroqlilik darajasini aniqlash maqsadida viloyat veterinariya va chorvachilikni rivojlantirish boshqarmasiga qarashli tashxis markaziga topshirilgan.