Surxondaryoda Xalq ta’lim bo‘limi xodimi pora bilan qo‘lga tushdi

Surxondaryoda Xalq ta’lim bo‘limi xodimi 500 dollar pora bilan qo‘lga tushdi, deb xabar bermoqda O‘zA.

Ma’lum qilinishicha, 3-avgust kuni DXX Surxondaryo viloyati bo‘yicha boshqarmasi hamda Iqtisodiy jinoyatlarga qarshi kurashish departamenti Qiziriq tuman bo‘limi tezkor xodimlari tomonidan tadbir o‘tkazilgan.

Unda Qiziriq tuman XTB ekspluatatsiya bo‘limi xodimi H.A. tumandagi umumta’lim maktabining faoliyatiga aralashmaslik va tekshirmaslik vaji bilan maktab direktoridan 500 dollarni pora sifatida olayotganida ashyoviy dalillar bilan ushlangan.

Hozirda H.A.ga nisbatan Jinoyat kodeksining 212-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.

Mavzuga doir:

• Navoiy viloyati xalq ta’limi boshqarmasi haydovchisi pora bilan qo‘lga tushdi
• Surxondaryoda fuqaroni maktab internatiga direktor etib tayinlash evaziga 5 ming dollar olgan XTB xodimi ushlandi