Ukrainadagi urush Rossiya iqtisodiyotini so‘nggi to‘rt yil orqaga qaytardi va bu uni tarixdagi eng uzoq davom etgan tanazzullardan biriga olib keldi. Bu haqda Bloomberg xabar bermoqda.
2022-yil boshida tez sur’atlar bilan o‘sib borayotgan Rossiyada urush sabab iqtisodiyot ikkinchi chorakda keskin qisqardi.
12 nafar tahlilchining o‘rtacha prognoziga ko‘ra, mamlakatda yalpi ichki mahsulot bir yil ichida birinchi marta qisqarib, yillik 4,7 foizga tushgan.
Iqtisodiyot o‘sishi ikkinchi chorakda 2018-yilgi hajmiga qaytdi. Biz qisqarishning to‘rtinchi chorakda sekinlashishini kutmoqdamiz. Shunga qaramay, iqtisodiyot 2023-yilda yana 2 foizga qisqaradi, chunki Yevropaning energiya taqiqi eksportni pasaytiradi, — deydi rossiyalik iqtisodchi Aleksandr Isakov.
Urush tufayli xalqaro sanksiyalar Rossiyada savdo-sotiqni to‘xtatdi va avtomobil ishlab chiqarish kabi sanoat sohalarini falaj holatga keltirdi, iste’mol xarajatlari o‘zlashtirildi.
Iqtisodiyotning tanazzul darajasi u qadar chuqur bo‘lmasa-da, markaziy bank kelgusi choraklarda pasayish yanada yomonlashishini taxmin qilmoqda. 2023-yilning ikkinchi yarmigacha bu holat tiklanishi kutilmayapti.
Inqiroz juda silliq trayektoriya bo‘ylab harakat qilmoqda, — dedi CentroCredit Bankning Rossiya yetakchi iqtisodchisi Evgeniy Suvorov.
Shunday bo‘lsa ham, Rossiya banki yalpi ichki mahsulot joriy chorakda 7 foizga va yilning so‘nggi uch oyida, ehtimol, undan ham ko‘proq qisqarishini taxmin qilmoqda.
Avvalroq Rossiyada iqtisodiy ishonch indeksi nolgacha tushgani haqida xabar berilgandi.
Izoh (0)