Fransiyada narxlar oshishi iyulda rekord darajaga yetdi

Fransiyada Yevropa Ittifoqi standartlari bilan uyg‘unlashtirilgan iste’mol narxlari iyul oyida yillik ko‘rsatkichda 6,8 foizga oshgan. Bu haqda “Interfaks” xabar bermoqda.

Bu ko‘rsatkich mamlakat uchun rekord hisoblanadi. Iyun oyida inflyatsiya 6,5 foizga teng bo‘lgan edi.

O‘tgan oy bilan solishtirganda, Fransiyada iste’mol narxlari iyulda 0,3 foizga o‘sdi. Iyun oyida o‘sish 0,7 foiz bo‘lgan edi.

Fransuz standartlari bo‘yicha hisoblangan iste’mol narxlari iyul oyida 6,1 foizga o‘sgan. Bu 1985-yil iyulidan beri eng yuqori ko‘rsatkich.

Xizmatlar narxlari iyul oyida 3,3 foizga nisbatan iyulda 3,9 foizga, oziq-ovqat narxlari bir oy oldingi 5,8 foizga nisbatan 6,8 foizga o‘sdi.

Shu bilan birga, energiya narxining o‘sishi biroz sekinlashdi — iyun oyidagi 33,1 foizga nisbatan 28,5 foizgacha.

Avvalroq AQSHda narxlar oshishi aprel oyidan beri birinchi marta pasaygan edi.