Июль ойида глобал нефть етказиб бериш ОПЕК+ мамлакатлари томонидан ишлаб чиқаришнинг кўпайиши ва қатор ҳудудларда техник хизмат кўрсатишдан сўнг саноатнинг сезиларли тикланиши фонида пандемиядан кейинги энг юқори даражага етди. Бу ҳақда Халқаро энергия агентлигига (IEA) «Интерфакс» хабар бермоқда.
Ташкилот маълумотларига кўра, июль ойида глобал нефть етказиб бериш суткада 100 миллион баррелдан ошган. Бу 2020 йил январидан бери энг юқори кўрсаткичдир.
Шимолий денгиз, Канада ва Қозоғистонда режалаштирилган таъмирлаш ишлари якунланганидан сўнг глобал ишлаб чиқариш суткасига 1,4 миллион баррелга ошиб, 100,5 миллион баррелга етди. Саудия Арабистони эса ОПЕК+ мамлакатлари ўсишига мос равишда ишлаб чиқаришни оширди. Россиядан етказиб беришлар ҳам бироз ошди, — дейилади хабарда.
IEA 2022 йилда жаҳон нефть етказиб бериш ҳажми кунига ўртача 100 миллион баррель бўлишини кутмоқда.
Июль ойидаги ОПЕК+ 523 фоизга, ОПЕКга аъзо давлатлар 359 фоизга, ОПЕКга аъзо бўлмаган давлатлар келишуви эса 800 фоизга бажарилган, деб ҳисоблайди IEA таҳлилчилари.
IEA маълумотларига кўра, Россия июль ойида нефть қазиб олишни (конденсатдан ташқари) кунига 9,8 миллион баррелгача оширди.
Аммо бу белгиланган квотадан 1,03 миллион баррелга кам. Саудия Арабистони ҳисобот ойида ўзининг рухсат этилган квотаси даражасида — кунига 10,83 миллион баррель нефть ишлаб чиқарди.
Изоҳ (0)