Samarqandda 6 kishi 11,5 kilogramm oltin kukunini 50 ming dollarga sotayotganida ushlandi. Bu haqda viloyat IIB matbuot xizmati xabar berdi.
Ma’lum qilinishicha, Samarqand viloyatidagi huquqni muhofaza qiluvchi organlarga ikki fuqaro ariza bilan murojaat qilib, Navoiy viloyatida yashovchi bir guruh shaxslar ularning ishonchiga kirib, 50 ming dollar evaziga 11,5 kilogramm oltin kukunini sotishini va Samarqand shahriga olib kelib berishlarini aytganligini bildirib, ularga nisbatan qonuniy chora ko‘rishni so‘ragan.
Mazkur arizaga asosan Samarqand viloyati IIB JQB Korrupsiya va iqtisodiy jinoyatlarga qarshi kurashish bo‘limi va DXX Samarqand viloyati boshqarmasi xodimlari hamkorligida, Samarqand tumanida o‘tkazilgan tezkor tadbir davomida 6 nafar shaxslar ariza mualliflariga 11,575 kilogramm oltin kukunini 50 ming dollariga sotayotgan vaqtida ashyoviy dalillar bilan qo‘lga olingan.
Qayd etilishicha, ayni paytda holat yuzasidan tergovga qadar tekshirish harakatlari olib borilmoqda.
Mavzuga doir: Navoiyda noqonuniy oltin qazib olayotgan 54 kishi qo‘lga olindi
Izoh (0)