Prezidentning “O‘zbekiston Respublikasi Prezidentining 2018-yil 27-iyuldagi “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari to‘g‘risida”gi farmoniga qo‘shimcha kiritish to‘g‘risida”gi farmoni qabul qilindi. Bu haqda “Norma” xabar berdi.
Qayd etilishicha, hujjat “Ko‘p kvartirali uylarni boshqarish to‘g‘risida”gi qonun ijrosini ta’minlashga qaratilgan. Tekshiruvlarni elektron ro‘yxatga olish yagona tizimida ularni ro‘yxatga olish yo‘li bilan vakolatli organni xabardor qilish tartibida o‘tkaziladigan tekshiruvlar ro‘yxatiga yana bittasi qo‘shildi:
- asosli ma’lumotlar bo‘lganda ko‘p kvartirali uylardagi joylarning o‘zboshimchalik bilan qayta qurilishi va (yoki) qayta rejalashtirilishi holatlarini tekshirish hamda boshqarish organlari tomonidan ko‘p kvartirali uylarda yuzaga kelgan avariya vaziyatlarini bartaraf etish bo‘yicha choralar ko‘rilgani ustidan nazorat qilish.
Hujjat qonun hujjatlari ma’lumotlari milliy bazasida e’lon qilingan va 4-avgustdan kuchga kirdi.
Avvalroq O‘zbekistonda ko‘p kvartirali uylarga tutash yerlarda o‘zboshimchalik bilan inshootlar qurganlik uchun javobgarlik kuchaytirilgani ma’lum qilingandi.
Izoh (0)