Самарқандда 6 киши 11,5 килограмм олтин кукунини 50 минг долларга сотаётганида ушланди. Бу ҳақда вилоят ИИБ матбуот хизмати хабар берди.
Маълум қилинишича, Самарқанд вилоятидаги ҳуқуқни муҳофаза қилувчи органларга икки фуқаро ариза билан мурожаат қилиб, Навоий вилоятида яшовчи бир гуруҳ шахслар уларнинг ишончига кириб, 50 минг доллар эвазига 11,5 килограмм олтин кукунини сотишини ва Самарқанд шаҳрига олиб келиб беришларини айтганлигини билдириб, уларга нисбатан қонуний чора кўришни сўраган.
Мазкур аризага асосан Самарқанд вилояти ИИБ ЖҚБ Коррупция ва иқтисодий жиноятларга қарши курашиш бўлими ва ДХХ Самарқанд вилояти бошқармаси ходимлари ҳамкорлигида, Самарқанд туманида ўтказилган тезкор тадбир давомида 6 нафар шахслар ариза муаллифларига 11,575 килограмм олтин кукунини 50 минг долларига сотаётган вақтида ашёвий далиллар билан қўлга олинган.
Қайд этилишича, айни пайтда ҳолат юзасидан терговга қадар текшириш ҳаракатлари олиб борилмоқда.
Мавзуга доир: Навоийда ноқонуний олтин қазиб олаётган 54 киши қўлга олинди
Изоҳ (0)