Professional boksning super o‘rta (-76,2 kg) vazn toifasida ringga chiqadigan o‘zbekistonlik bokschi Bektemir Meliqo‘ziyev (10-1, 8 KO) Toshkent vaqti bilan 7-avgust tongida o‘zining navbatdagi jangini o‘tkazdi.
AQSHning Texas shtatida bo‘lib o‘tgan jangda o‘zbekistonlik bokschiga bosniyalik Sladan Yanyanin (32-12, 24 KO) raqiblik qildi. O‘n raundga mo‘ljallangan bellashuvning dastlabki uch daqiqaligida Bektemir raqibini nokdaun holatiga tushirdi.
Ikkinchi raundda ham ustunlik Meliqo‘ziyev tomonida bo‘ldi. Uchinchi raundda referi Bektemirning ketma-ket zarbalaridan keyin jangni to‘xtatdi va texnik nokautni qayd etdi.
Shu tariqa Meliqo‘ziyev professional faoliyatidagi 10-g‘alabasini qo‘lga kiritdi.
Izoh (0)