«Тошшаҳартрансхизмат» компанияси 2022 йилнинг биринчи ярмини зарар билан якунлади. Бу «Дарё»га компаниянинг молиявий ҳисоботидан маълум бўлди.
Биринчи олти ойда корхона тушуми 88,3 миллиард сўмни ташкил этган бўлса-да, таннархи 239,6 миллиард сўмни, хизматларни сотишдан кўрилган зарар эса 151 миллиард сўмни ташкил қилди.
Натижада компания 59,2 миллиард сўм зарар кўрган. Таққослаш учун, ўтган йилнинг шу даврида анча кам бўлган эди – 468,3 миллион сўм.
Давлат «Тошшаҳартрансхизмат»га компенсация тўлаб берган эди
2019 йилда ҳукумат Тошкент йўловчи транспорти корхоналарини молиявий соғломлаштириш ҳақида қарор қабул қилган эди.
Ўшанда «Тошшаҳартрансхизмат»нинг 38 миллиард сўм зарари бюджет ҳисобидан қопланиши белгиланганди.
Аввалроқ Ўзбекистоннинг энг кўп зарар кўрган 20 та давлат корхонаси маълум бўлган эди. Улар ичида «Тошшаҳартрансхизмат» ҳам бор.
Изоҳ (0)