Saudiya Arabistoni Osiyodagi xaridorlar uchun neft narxini rekord darajaga ko‘tardi. Bu haqda Bloomberg xabar bermoqda.
Iqtisodiyotning sekinlashuvi xom neft uchun global talabga ta’sir qila boshlaganiga qaramay, Saudi Aramco kelasi oyda Osiyo neftni qayta ishlash zavodlariga yetkazib berish uchun Arab Light narxini bir barrel uchun 9,80 dollarga oshirdi.
Bu avgust oyiga nisbatan 50 sentga baland va tarixdagi eng yuqori narx hisoblanadi.
Shunga qaramay, iyul oyi oxirida savdogarlar va qayta ishlab chiqaruvchilar 1,50 dollardan balandroq o‘sishni kutgan.
Aramco‘ning bu harakati OPEK+ davlatlari AQSHning ko‘proq neft so‘rab olib borayotgan bir necha oylik diplomatik sa’y-harakatlariga o‘z tarixidagi eng kichik ishlab chiqarish o‘sishi bilan javob berganidan bir kun o‘tib amalga oshirildi.
3-avgustda neft narxi pasayib ketdi, Brent 4 foizga tushib, barreliga 100 dollardan pastga tushdi, Liviyada esa neft ishlab chiqarish qayta tiklandi.
Saudiya Arabistoni xom neftning katta qismini Osiyoga sotadi. Xitoy, Hindiston, Janubiy Koreya va Yaponiya eng katta xaridorlardir.
Aramco‘ning oylik narx bo‘yicha qarorlari neft bozorining qo‘ng‘irog‘i sifatida ko‘riladi va Fors ko‘rfazining boshqa yirik ishlab chiqaruvchilari unga qarab narx belgilaydi.
Saudiya kompaniyasi og‘ir Osiyo neft turlari narxini yengilroqlarga qaraganda ko‘proq oshirdi. Og‘irroq turlar dizel kabi yoqilg‘iga aylanadi, yengilroqlari esa ko‘proq benzin beradi.
Osiyo neftni qayta ishlash korxonalarining neftni benzinga aylantirishdan oladigan marjasi iyun oyi oxirida rekord darajadan deyarli 78 foizga kamaydi. Dizel yoqilg‘isidan marjasi esa taxminan ikki baravarga qisqargan.
Avvalroq Saudiya Arabistoni iyul oyida rekord darajada neft eksport qilgani haqida xabar berilgandi.
Izoh (0)