O‘zbekistonda baqlajon va olma narxlarida pasayish kuzatildi

O‘zbekistonda olma narxlari bir oyda o‘rtacha 25 foizga, baqlajonniki esa salkam 50 foizga pasaydi. Bu bo‘yicha Davlat statistika qo‘mitasi ma’lumoti e’lon qilindi.

Qayd etilishicha, 2022-yilning iyul oyida olma narxlari iyun oyiga nisbatan, ya’ni bir oyda o‘rtacha 25 foizga arzonlashgan. Olma narxlari yil boshidan buyon o‘rtacha 15,1 foizga pasaygan. Olma narxlari 2021-yilning mos davriga nisbatan, ya’ni yillik nisbatda o‘rtacha 16,8 foizga arzonlashgani kuzatilgan.

Baqlajon narxlari esa bir oyda o‘rtacha 49,8 foizga arzonlashgan. Davlat statistika qo‘mitasi ma’lumotlariga ko‘ra, 2022-yilning iyul oyida baqlajon narxlari iyun oyiga nisbatan, ya’ni bir oyda o‘rtacha 49,8 foizga arzonlashgan. Narxlar yil boshidan buyon o‘rtacha 60,5 foizga pasaygan.

Baqlajon narxlari 2021-yilning mos oyi bilan solishtirilganda, ya’ni yillik nisbatda o‘rtacha 50,3 foizga oshgani kuzatilgan.