Bugun,

  • USD 11095.31
  • RUB 173.84
  • EUR 10772.44

Butun dunyo bo‘ylab qariyb 2,92 million internet foydalanuvchilari turli nuqtalardan AQSH Kongressi Vakillar palatasi spikeri Nensi Pelosi samolyotining Tayvanga parvozini kuzatib bordi, deb yozadi “TASS” Flightradar servisi saytiga tayanib.

Foto: Ap Photo

Foto: Ap Photo

Uning ma’lumotlariga ko‘ra, 708 mingga yaqin odam samolyotning Taybey aeroportiga qo‘nishini kuzatgan.

Har ikkala raqam ham servis tarixidagi mutlaq rekordlar hisoblanadi.

Chaqiruvchi nomi SPAR19 bo‘lgan Boeing C-40C 2-avgust, seshanba kuni Kuala-Lumpurdan uchib ketgan. Uning parvozi qariyb yetti soat davom etib, mahalliy vaqt bilan 22:44 da (Toshkent vaqti bilan 19:44 da) Sunshan aeroportiga qo‘ngan.

Pelosining Tayvanga tashrifi so‘nggi 25 yil ichida amerikalik yuqori mansabli siyosatchining ilk safariga aylandi. Pekin AQSHni tashrif amalga oshsa, u oqibatsiz qolmasligi, Xitoy qat’iy choralar ko‘rishi haqida ogohlantirgandi.

Pelosining samolyoti Taybey aeroportiga qo‘nganidan keyin Xitoy orol yaqinida o‘t ochishlar orqali harbiy mashg‘ulotlar boshladi. Bundan tashqari, Tayvandan shimolda, janubi-g‘arbda va janubi-sharqda suv va havo hududida ham mashqlar tashkil qilinadi. Vakillar palatasi spikerining tashrifidan avval ham Xitoy hukumati mamlakat qo‘shinlari “qo‘l qovushtirib o‘tirmasligi”ga va’da bergan edi. Pekin iqtisodiy choralar ham ko‘rdi: 3-avgustdan hukumat Tayvanga tabiiy qum yetkazib berishni to‘xtatdi va oroldan sitrus mevalar, ikki xildagi baliq mahsulotlari importini taqiqladi.

Pekin 1949-yilda Xitoydan mustaqil bo‘lib ajralib chiqqanini e’lon qilgan orolni o‘z hududi deb hisoblaydi. Xitoy hukumati Pelosining tashrifini keskin tanqid qilib, Pelosi ataylab provokatsiya uyushtirgani va “yagona Xitoy” tamoyilini buzganini ma’lum qildi.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi