Bugun,

  • USD 11095.31
  • RUB 173.84
  • EUR 10772.44

2-avgust kuni kechqurun Tayvanga yetib kelgan AQSH Vakillar palatasi spikeri Nensi Pelosi qisman tan olingan davlat parlamentiga tashrif buyurdi, deb yozadi “RBK” mahalliy televideniyega tayanib.

Foto: AP Photo

Foto: AP Photo

“Biz do‘st sifatida keldik, mintaqada tinchlik o‘rnatish maqsadida keldik”, — dedi u. Pelosi orol rahbariyatiga mehmondo‘stlik uchun minnatdorlik bildirib, Tayvanni “dunyodagi eng erkin jamiyatlardan biri” deb atadi va Vashington Taybey bilan parlamentlararo muloqotni faollashtirish istagida ekanini aytdi. U “AQSH va Tayvan o‘rtasida iqtisodiy hamkorlik uchun ko‘proq imkoniyatlar paydo bo‘lishiga umid bildirdi. Shuningdek, Pelosining aytishicha, AQSH Tayvanni qo‘llab-quvvatlashi kerak, chunki orol Pekin tomonidan kuchayib borayotgan tahdidlarga duch kelmoqda.

Tayvan qonun chiqaurvchi majlisi spikeri o‘rinbosari Say Sichan Pelosini “Tayvan xalqining katta do‘sti” deb atadi. Uning delegatsiyasi tashrifi “demokratiya va erkinlik qadriyatlari himoyasi”dan guvohlik beradi”, dedi u.

Parlamentga tashrifidan keyin u Tayvan ma’muriyati rahbari Say Inven bilan uchrashib, AQSH delegatsiyasi orolga uni qo‘llab-quvvatlashga sodiqligini tasdiqlash uchun kelganini aytdi: “Biz vaqt sinovidan o‘tgan do‘stligimizdan faxrlanamiz”. Inven spikerga qo‘llab-quvvatlaganlik uchun minnatdorlik bildirib, “Tayvan harbiy tahdidlar qarshisida chekinmasligi”ga va’da berdi.

Pelosi o‘z tashrifining asosiy maqsadi Tayvandagi “yorqin va dinamik” demokratiyani qo‘llab-quvvatlash ekanini aytdi. U orolga Osiyo turnesi doirasida yetib keldi; ushbu tashrif haqida oldindan e’lon qilinmagan.

Pekin 1949-yilda Xitoydan mustaqil bo‘lib ajralib chiqqanini e’lon qilgan orolni o‘z hududi deb hisoblaydi. Xitoy hukumati Pelosining tashrifini keskin tanqid qilib, Pelosi ataylab provokatsiya uyushtirgani va “yagona Xitoy” tamoyilini buzganini ma’lum qildi. Xitoy Tashqi ishlar vazirligi AQSH “o‘t bilan o‘ynashayotgani”ni ma’lum qildi. Vazirlik fikricha, Vashingtonning xatti-harakatlari “Xitoy suvereniteti va hududiy yaxlitligini jiddiy ravishda buzib, Tayvanda tinchlik va barqarorlikka putur yetkazgan”.

Xitoy hukumati Tayvan qirg‘oqlari yaqinida katta ko‘lamli harbiy mashg‘ulotlar haqida e’lon qildi. Orol davlat Mudofaa vazirligi ma’lum qilishicha, manyovrlar Pekin mintaqada tinchlik va barqarorlikni yo‘q qilishga intilayotganidan darak beradi.

AQSH hukumati ta’kidlashicha, Pelosining tashrifi “yagona Xitoy” tamoyiliga zid emas va AQSHning Xitoyga nisbatan siyosati o‘zgarganini anglatmaydi. Oq uy ma’lum qilishicha, Vashington Pekinning javob choralari ko‘rishini kutmoqda va ularga javob qilishga tayyor, ammo inqirozli vaziyatni yuzaga keltirmoqchi va Xitoy bilan nizoga kirishmoqchi emas.

Izoh
Asosiy yangiliklar
Iqtisodiyot
O‘zbekistonda 2035-yilga borib aholi 45 milliondan oshishi kutilyapti — PMTI
Dunyo
Afg‘onistonda yuqori martabali amaldorlar “Tolibon” yetakchisini taxtdan ag‘darmoqchi 
Mahalliy
“Prava”ni yangisiga almashtirib beradigan onlayn xizmat faoliyatida nosozlik kuzatilmoqda