Estoniya hukumati 28-iyul, payshanba kuni bo‘lib o‘tgan davlat yig‘ilishida yangi sanksiyani ma’qullagan, unga ko‘ra, rossiyaliklar endi Estoniyada vaqtinchalik yashash uchun ruxsatnoma va o‘qish vizasini olish uchun murojaat qila olmaydi. Bu haqda “Interfaks” xabar berdi.
Bundan tashqari, Estoniyada Rossiya va Belarus fuqarolarini qisqa muddatli ishga joylashtirish faqat mamlakat tomonidan berilgan amaldagi vizaga ega bo‘lgan shaxslargagina taqdim etilishi mumkin.
Aniqlik kiritilishicha, Rossiya va Belarus fuqarolariga Yevropa Ittifoqiga a’zo davlat tomonidan beriladigan uzoq muddatli vizaga arizalar qabul qilinmaydi.
Ushbu o‘zgarish bilan amaldagi sanksiyalarni chetlab o‘tish uchun boshqa a’zo davlatdan qisqa muddatli Shengen vizasi, masalan, sayyohlik maqsadida so‘raladigan vizaga ham chek qo‘yamiz”, — dedi Estoniya tashqi ishlar vaziri Urmas Reynsalu.Rossiyaga qarshi sanksiyalarni davom ettirish va unga tinimsiz bosim o‘tkazish zarur. Agarda bu harakatlarimiz Rossiya agressiyasini to‘xtatishga yordam bersa, bu bizning xavfsizligimizga ijobiy ta’sir qiladi”, — deya qo‘shimcha qiladi u.
Izoh (0)