Biznes-ombudsman devoni xodimlari tomonidan Ekologiya va atrof-muhitni muhofaza qilish davlat qo‘mitasi va uning hududiy bo‘linmalarida tadbirkorlik subyektlarining huquqlari hamda qonuniy manfaatlariga rioya etilishi bo‘yicha o‘rganish o‘tkazildi. Bu haqda ombudsman axborot xizmati xabar qildi.
Qayd etilishicha, natijada 831 ta qonun buzilish holatlari aniqlangan. Jumladan, 527 ta holatda tadbirkorlik subyektlari faoliyatida tekshirish o‘tkazish bilan bog‘liq qonunchilik talablari buzilgan.
Shuningdek, 185 ta holatda litsenziyalash va ruxsat berish bilan bog‘liq davlat xizmatlari ko‘rsatishda qonunchilik talablari va belgilangan muddatlarga amal qilinmagan. 85 ta holatda jismoniy va yuridik shaxslarning murojaatlari to‘g‘risidagi qonunchilik talablari buzilgan.
Bundan tashqari, “Davlat ekologik ekspertiza markazi” DUK tomonidan tadbirkorlarning ekologik ekspertiza xulosasi olish yuzasidan yo‘llangan 20 ta murojaatlarining ko‘rib chiqish muddatlari o‘tkazib yuborilgan va ularga tekshiruv kunga qadar javob berilmagani ma’lum bo‘lgan.
Qayd etilgan kamchiliklarga yo‘l qo‘ygan qo‘mita hamda uning tizimidagi tashkilotlarning 99 nafar mansabdor shaxslariga nisbatan ma’muriy bayonnomalar rasmiylashtirilgan.
Mavzuga doir:
- O‘zbekistonda prezident topshiriqlarini o‘z vaqtida bajarmagan uchta vazirlik, Soliq qo‘mitasi va boshqa idoralarga 10 dan ortiq taqdimnoma kiritildi
- O‘zbekistonda 6 ming nafarga yaqin mansabdor mehnat qonunchiligini buzgani uchun 12 mlrd so‘m jarima to‘lagani ma’lum bo‘ldi
- Namanganda davlat xizmatlari ko‘rsatishda 6,5 mingdan ortiq qonunbuzilish holatlariga yo‘l qo‘yilgani aniqlandi
Izoh (0)