Қашқадарё вилояти Касби туманида фермер хўжалиги раҳбари имтиёзли кредит маблағини ўзлаштиргани аниқланди. Бу ҳақда Иқтисодий жиноятларга қарши курашиш департаменти хабар берди.
Бош прокуратура ҳузуридаги департаментнинг Касби тумани бўлими томонидан терговга қадар текширув ўтказилган. Унда «Б.О.» фермер хўжалиги раҳбари З.Ф. аҳолига қишлоқ хўжалиги маҳсулотларини етказиб беришда таъминотчи сифатида 245 миллион сўм имтиёзли кредит олиб, маҳсулотлар етказиб берилгани тўғрисидаги ҳужжатларни қалбакилаштириб, имтиёзли кредит маблағини ўзлаштириш йўли билан талон-торож қилгани аниқланган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)