Yevrokuboklarning yangi mavsumida muxlislar tik turib tomosha qilinadigan tribunalardan joy olishi mumkin.
UEFA 2022/23-yilgi mavsumda Yevrokubok o‘yinlariga tashrif buyuradigan tomoshabinlar uchun tik turib tomosha qilinadigan o‘rinlar bo‘yicha sinov dasturini ishga tushirdi.
Dastur Angliya, Germaniya va Fransiya klublarining stadionlarida amalga oshiriladi. Ushbu sinov rejimi Yevrokuboklar guruh bosqichi va pley-off o‘yinlarining yarim finaligacha bo‘lgan davrlarida amalga oshiriladi.
2022/23-yilgi mavsum yakunida ekspertlari xulosalari asosida UEFA ma’muriyati dastur natijalarini baholaydi va uni ijroiya qo‘mitasiga taqdim etadi. Shundan so‘ng dastur muddatini uzaytirish bo‘yicha qaror qabul qilinadi.
Yevrokubok musobaqalarida o‘yinlarni tik turib tomosha qilish taqiqi 1988-yildan buyon amal qilayotgan edi.
Izoh (0)