Formula-1 poygachisi Sebastyan Fettel faoliyatini yakunlashini ma’lum qildi.
Formula-1 ning to‘rt karra chempioni 2022-yilgi mavsum yakunlangandan keyin seriyani tark etadi.
“Ketish haqida qaror qabul qilish qiyin bo‘ldi va o‘ylash uchun vaqt kerak bo‘ldi. Mavsum yakunida keyinchalik nima qilishim haqida o‘ylab ko‘raman. Shubhasiz, otam kabi oilamga ko‘proq vaqt ajratmoqchiman”, — deydi sportchi.
Fettel 2006-yil BMW Sauber jamoasida Formula-1 dagi debyutini o‘tkazgan. Shundan keyin u Toro Rosso, Red Bull, Ferrari va Aston Martin sharafini himoya qildi. Germaniyalik poygachi faoliyati davomida 53 marta Gran-Pri g‘olibiga aylangan. So‘nggi bor 35 yoshli sportchi 2019-yilgi mavsumda Singapur Gran-Prisida g‘alaba qozongandi.
Izoh (0)