Россия учликдан чиқиб кетди: Ўзбекистонга энг кўп «иномарка’’лар қаердан олиб келиниши маълум бўлди

2022 йилнинг январь июнь ойларида Ўзбекистон 24 та хорижий давлатлардан енгил автомобиллар импорт қилган. Бу ҳақда Давлат статистика қўмитаси хабар бермоқда.

Унга кўра 6 ой давомида Ўзбекистонга энг кўп Хитойдан енгил автомобиль импорт қилинган — 7 265 та. 

Корея иккинчи ўринда (4 510 та) қайд этилган бўлса, Қозоғистон (2 896 та) учинчи ўринни эгаллади. 

Россия Ўзбекистонга энг кўп енгил автомобиль импорт қилувчи давлатлар учлигидан чиқиб кетиб, 4-ўринни эгаллади — 1 192 та. 

Ушбу мамлакат 2021 йили Ўзбекистонга 4 мингдан ошиқ автомобиль импорт қилиб учинчи ўринни эгаллаган эди. 

Бундан ташқари йил бошидан бери Ўзбекистонга АҚШдан 180, БААдан 84, Япониядан 65, Германиядан 48 дона енгил автомобиль импорт қилинган.