Ijtimoiy tarmoqlarda Andijon viloyati Marhamat tumani hokimi va tuman IIB boshlig‘i mushtlashgani aytilgan xabar tarqaldi. Holat yuzasidan tumani hokimligi rasmiy munosabat bilan chiqdi.
Qayd etilishicha, 2022-yilning 26-iyul kuni tuman hokimligi binosida tuman sektor rahbarlari birgalikda tumandagi 20 nafardan ortiq fuqaroni qabul qilgan. Mazkur qabul davomida ularning murojaatlari tinglanib, 12 nafar fuqaroning murojaatlari ijobiy hal qilingan. Bu jarayonda tuman rahbariyati o‘rtasida hech qanday ziddiyatli holatlar yuzaga kelmagan.
“Aksincha, fuqarolarning muammolarini barcha tegishli korxona va tashkilotlar orqali ijobiy hal qilingan.
Biroq ijtimoiy tarmoqlarda mutlaqo haqiqatga to‘g‘ri kelmagan, hech qanday asosga ega bo‘lmagan ma’lumotlar tarqatilgan”, — deyiladi xabarda.
Mavzuga doir:
- Bo‘stonliklar hokim va’da qilgan yer berilmaganini aytdi. Hokimiyat vakillari esa aholi aytgan yer ularga berilsa, qonun buzilishini bildirdi
- Shahrisabz hokimi qabuliga borgan ayolni “jinnixona”ga qamagandi, hokimlik axborot xizmati esa ayolni noshukur deb atab, uning shaxsiy hayotiga oid axborotlarni ommaga oshkor qildi
Izoh (0)