Toshkent viloyati Olmaliq tumanida 25-iyul ehtiyotsizlik oqibatida avtomobil kanalga tushib ketdi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 16:45 da Olmaliq shahar FVBga Olmaliq shahar hududidan oqib o‘tuvchi Tanachi—Bo‘ka kanaliga Nexia-1 avtomobili haydovchisi kutilmaganda boshqaruvni yo‘qotish oqibatida tushib ketgani haqida xabar kelib tushgan.
Xabarga asosan, zudlik bilan qutqaruvchilar voqea joyiga yetib borgan va texnikalarini jalb qilgan holda avtomobil kanaldan olib chiqilgan.
Hodisa oqibatida tan jarohati olgan va halok bo‘lganlar yo‘q.
Izoh (0)