АОКАда ўтказилган брифингда Маҳаллабай ишлаш ва тадбиркорликни ривожлантириш агентлиги бошқарма бошлиғи Дилфуза Авлоқулова ҳоким ёрдамчилари амалга оширган ишлар ҳақида маълумот берди.
Қайд этилишича, ҳоким ёрдамчилари тавсияномалари асосида 177 мингта лойиҳага жами 4,4 триллион сўм имтиёзли кредит ва 24 мингдан ортиқ ишсизга 60 миллиард сўм субсидия ажратилган. 128 минг нафар аҳоли касб-ҳунар ва тадбиркорлик кўникмаларига ўқитилган.
Ҳоким ёрдамчилари томонидан шакллантирилган 25 мингдан ортиқ «маҳаллабай» микролойиҳанинг 9,5 мингтаси ишга туширилиб, 47 мингга яқин иш ўрни яратилган. «Бир маҳалла-бир маҳсулот» тамойили асосида 3 051 та ихтисослашган маҳаллалардаги 632 мингта аҳоли хонадонидаги 79 минг гектар ер майдонларидан самарали фойдаланиш йўлга қўйилган.
Аҳоли бандлигини таъминлаш бўйича банд бўлмаган аҳолини иш билан таъминлаш ва тадбиркорликка жалб қилиш орқали 1,4 миллион нафар фуқаролар даромадли меҳнат билан бандлиги таъминланган. Хусусан, 210 минг нафари доимий иш жойларига жойлаштирилган. 722 минг нафари ўзини ўзи банд қилган шахс сифатида рўйхатга олинган. 47 минг нафари якка тартибдаги тадбиркорликка ва 108 минг нафари ҳақ тўланадиган жамоат ишларига жалб қилинган. 316 минг нафар фуқароларга ижара асосида ер ажратилган.
Ҳоким ёрдамчилари тавсияномалари асосида 177 мингта лойиҳага жами 4,4 трлн сўм имтиёзли кредит ва 24 мингдан ортиқ ишсизларга 60 млрд. сўм субсидиялар ажратилди, 128 минг нафар аҳоли касб-ҳунар ва тадбиркорлик кўникмаларига ўқитилган.
Мавзуга доир:
- Зоир Мирзаев кўрсаткичи паст 18 нафар ҳоким ёрдамчисини ишдан олишни таклиф қилди
- Ўзбекистонда ҳоким ёрдамчиларини ҳалолликни кучайтириш бўйича махсус курсларда ўқитиш тизими йўлга қўйилди
- Ўзбекистонда ҳоким ёрдамчиларига маҳалладаги давлат кўчмас мулк объектини аукционга чиқаришга рухсат берилиши мумкин
Изоҳ (0)