McDonald’s Rossiyani tark etganidan so‘ng 1,2 milliard dollar zarar ko‘rdi

McDonald’s ovqatlanish tarmog‘i Rossiyani tark etishi munosabati bilan 1,2 mlrd dollar zarar ko‘rdi. Bu haqda kompaniya matbuot xizmatiga tayanib “Kommersant” xabar bermoqda.

Kompaniyaning sof foydasi 2022-yilning ikkinchi choragida 1,9 baravarga kamayib, 1,19 mlrd dollarni tashkil etdi.

McDonald’s’ning aprel—iyun oylaridagi daromadi 2021-yildagi 5,89 mlrd dollarga nisbatan 5,72 mlrd dollarni tashkil etdi.

Sof foyda 2,22 mlrd dollardan 1,19 mlrd dollargacha pasaydi. Shu bilan birga, birinchi yarim yillikda daromad 3,4 foizga oshib, 11,3 mlrd dollarni tashkil etdi.

McDonald’s’ning solishtirma sotuvi chorakda dunyo bo‘ylab 9,7 foizga, AQSHda esa 3,7 foizga o‘sdi.

Avvalroq McDonald’s Rossiyadan butunlay chiqib ketishini e’lon qilgandi.