Xorazm viloyati, Xazorasp tumani, Pitnak qishlog‘idagi trikotaj mahsulotlarini ishlab chiqarish fabrikasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga “Asakabank”ning muammoli kreditlar bilan ishlash departamenti tomonidan qo‘yilgan.
Yer uchastkasining umumiy maydoni — 3 gektar. Binoning maydoni — 16 022 kvadrat metr. Unda suv, elektr ta’minoti, gaz va kanalizatsiya tizimi mavjud.
Auksionga qo‘yilgan binolarning boshlang‘ich bahosi — 95,5 mlrd so‘m. Arizalar 8-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi ko‘p qavatli uy MIB tomonidan 14 mlrd so‘mga auksionga qo‘yilgani haqida xabar berilgandi.
Izoh (0)