“Roma” hujumchisi Eldor Shomurodov yozgi transferlar oynasida jamoani tark etishi mumkin, deya xabar beradi Corriere dello Sport.
Xabarga ko‘ra, Shomurodov mavsumoldi yig‘inlarda rimliklar murabbiyi Joze Mourinyoda iliq taassurot qoldirolmagan.
Klub transfer oynasida hujumchi uchun takliflarni ko‘rib chiqmoqchi. Eldor bilan birgalikda himoyachi Matias Vinya ham “Roma”ni tark etadi. Biroq himoyachiga bozorda qiziqish yo‘qligi sabab, uni sotib yuborish qiyin kechadi.
Eslatib o‘tamiz, Shomurodov 2020-yilda “Rostov”dan “Jenoa”ga o‘tgan edi. O‘zbekistonlik hujumchining transfer narxi 6,5 millionni tashkil etgan. 2021-yil yozida “Roma” Eldorni 18 million yevroga sotib olgan.
Ortda qolgan mavsumda 27 yoshli futbolchi rimliklar safida barcha musobaqalarda 39 ta o‘yinda ishtirok etib, 5 ta gol va 6 ta golli uzatmaga mualliflik qilgan.
Transfermarkt portali Shomurodovni 8 million yevroga baholagan.
Izoh (0)