Бухорода давлат захирасидаги ер майдонини 15 000 долларга пуллаган шахс қўлга олинди. Бу ҳақда вилоят Ички ишлар бошқармаси ахборот хизмати маълум қилди.
Таъкидланишича, ҳудудда ҳуқуқни муҳофаза қилувчи органлар ходимлари томонидан терговга қадар текширув ўтказилган. Унда фуқаро Р.Н. давлат захирасидаги 2 сотих ер майдонига тегишли ҳужжатларни номаълум шахслар орқали қалбакилаштириш йўли билан турмуш ўртоғининг номига расмийлаштиргани аниқланган. У ушбу ер майдонини ўзаро оғзаки келишувга кўра фуқаро Ж.нинг номига ишончнома бериш орқали 15 000 долларни фирибгарлик йўли билан қўлга киритганда қўлга олинган.
Ҳолат юзасидан Жиноят кодексининг 168 (фирибгарлик), ва 28, 211-моддалари (пора бериш) билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)