Bugun,

  • USD 11095.31
  • RUB 173.84
  • EUR 10772.44

2022-yilda uy-joy sotib olish yoki yakka tartibdagi uylarni qurish va rekonstruksiya qilish uchun fuqarolarga subsidiya to‘lash tartibiga o‘zgartirishlar kiritilmoqda. Bu haqda Iqtisodiy taraqqiyot va kambag‘allikni qisqartirish vazirligi xabar berdi.

Foto: “Daryo” / Madina Nurman

Foto: “Daryo” / Madina Nurman

Endilikda Toshkent shahrida doimiy ro‘yxatga olingan fuqaro subsidiya asosida Toshkent viloyatida qurilgan uy-joylarni ham sotib olishiga ruxsat beriladi.

Buning natijasida, Toshkent shahrida uy-joyga bo‘lgan 8 mingdan ortiq talab nisbatan qisqartiriladi.

Arizachilarni oilaviy daromad (turmush o‘rtog‘i va turmush qurmagan farzandlari) tartibida baholash joriy etiladi.

Natijada subsidiya daromadi yuqori bo‘lmagan oilalarga manzilli yetib borishi ta’minlanadi.

Subsidiya talabgorini baholash komissiyasi tarkibidan ichki ishlar bo‘limlari va banklar chiqarib tashlandi.

Buning natijasida arizalarni ko‘rib chiqish muddatini 5 kunga qisqartirishga imkon yaratiladi.

Fuqarolarni ijtimoiy me’zonlarga asosan baholash va ularni ipoteka krediti bo‘yicha to‘lov qobiliyatini aniqlash mustaqil ravishda olib boriladi.

Natijada ijobiy xabarnoma olgan fuqarolarga ipoteka krediti miqdorini kafil qo‘shish orqali mustaqil belgilash imkoni yaratiladi.

Hududiy komissiya yig‘ilishlarini elektron tarzda amalga oshiriladi.

Xulosalarni umumlashtirib komissiya yig‘ilishini o‘tkazish va arizachiga taqdim etish muddati 8 kunga qisqartiriladi.

Arizachilarni baholash dasturiy ta’minotini avtomatlashtiriladi va elektron bazalari o‘zaro integratsiya qilinadi.

Buning ortidan hujjatni ko‘rib chiqishda yil yakuniga qadar inson omili qisqartiriladi.

Subsidiyalar ajratishning maqsadli parametrlari doirasida subsidiyalarni tuman va shahar kesimida qayta taqsimlash amaliyoti tugatiladi.

Bunda talabgorlar subsidiya asosida uy-joyni doimiy ro‘yxatdan o‘tgan hududi doirasida istalgan tuman/shahardan olishi mumkin bo‘ladi.

Ariza faqatgina fuqarolik pasporti ma’lumotlarini (JSHSHIR) kiritish orqali topshiriladi.

O‘zgartirishlar natijasida ko‘rib chiqishning umumiy muddati o‘rtacha 7 ish kunigacha qisqartirishga erishiladi.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi